04 верасня 2021 года ў ДУА “Беладубраўская сярэдняя школа Касцюковіцкага раёна” прайшла літаратурная гасцёўня “Святло роднага слова”, прысвечаная Дню беларускага пісьменства. Асноўная мэта мерапрыемства – фарміраванне грамадзянска-патрыятычных, духоўна-маральных якасцей у навучэнцаў, выхаванне пачуцця гонару за краіну, павагі да роднага слова.
Падчас літаратурнай гасцёўні вучні пазнаёміліся з гісторыяй свята, жыццяпісам і творчасцю беларускіх пісьменнікаў – нашых землякоў: А. Куляшова, І. Чыгрынава, А. Русецкага, Л. Левановіча.
У ходзе мерапрыемства асаблівая ўвага была звернута на жыццёвы і творчы шлях беларускага пісьменніка Леаніда Кірэевіча Левановіча, ураджэнца вёскі Клеявічы, які быў добрым сябрам Беладубраўскай школы, не адзін раз бываў тут у гасцях, вёў з навучэнцамі перапіску, дасылаў школе свае кнігі.
Падчас літаратурнай гасцёўні вучні чыталі творы пісьменнікаў-землякоў, абмяркоўвалі іх, гучала музыка.
Напрыканцы мерапрыемства навучэнцы праверылі свае веды, выканаўшы літаратурную віктарыну.